បុកកំពឹសសណ្តែកគួរ គឺជាមុខម្ហូបមួយដ៏សាមញ្ញបំផុត ហើយក៏មានអ្នកចូលចិត្តធ្វើញាំច្រើន ហើយនៅថ្ងៃនេះ មាន វិចិត្តក៏បានលើកយកមកបង្ហាញជូនផងដែរ។ ដើម្បីបន្ថែមឲ្យមានរស់ជាតិឆ្ងាញ់ត្រូវធ្វើយ៉ាងណា ខាងក្រោមនេះគឺជាវិធីធ្វើៈ
+ គ្រឿងផ្សំ៖
- កំពឹសលីង ១ខាំ
- សណ្តែកគួរ ៥គួរ កាត់ ២ថ្នាំងដៃ
- អំពិលខ្ទី ៥-៧គួរ
- ខ្ទឹមក្រហម ១ដុំ
- ខ្ទឹមស ៣កំពឹស
- ស្ករស កន្លះស្លាបព្រាបាយ
- អំបិល ១ស្លាបព្រាកាហ្វេ
- ប៊ីចេង បន្តិច
- ម្ទេស ២គ្រាប់ ឬតាមចំណូលចិត្ត
+ វិធីធ្វើ៖
១. ដំបូងយកអំពិលខ្ទីដាក់ចូលក្នុងត្បាល់បុកឲ្យម៉ដ្ឋ បន្ទាប់មកដួសវាយកមកពោតទឹកចេញដើម្បីកុំឲ្យជូរខ្លាំងពេក។
២. យកខ្ទឹមក្រហម, ខ្ទឹមស និងម្ទេស ដាក់បុកចូលគ្នាឲ្យម៉ដ្ឋ រួចហើយដាក់ អំបិល,ស្ករ, ប៊ីចេង បុកចូលគ្នាឲ្យសព្វ។
៣. បន្ទាប់មកទៀតដាក់សណ្តែកគួរបុកចូលគ្នាម្តងសិន រួចហើយចាំដាក់អំពិលបុក និងកំពឹសបុកថើរៗ ២-៣ត្រឡប់ជាការស្រេច៕
រៀបចំអត្តបទដោយ : មាន វិចិត្ត
