សួរស្តីប្រិយមិត្តទាំងអស់គ្នា នៅថ្ងៃនេះ ខ្ញុំបាទមានវិចិត្ត មានវិធីធ្វើឆាបាយដែលប្លែកមួយមុខទៀតហើយយកមកបង្ហាញជូន នោះគឺ បាយឆាការីជាមួយហែម។ ដូច្នេះចង់ដឹងច្បាស់ សូមមើល និងអនុវត្តដូចខាងក្រោម៖
+ គ្រឿងផ្សំ
- បាយ ១ចាន
- ហែម ២០០ក្រាម ចិតដុំតូចៗ
- ខ្ទឹមបារាំង ១ចំហៀងផ្លែចិតតូចៗ
- អំបិល, ស្ករស, ប៊ីចេង ១មុខបន្តិច
- គ្រឿងការី កន្លះស្លាបព្រាបាយ
- ការ៉ុត ១កំណាត់មើម ចិតដុំតូចៗ, គ្រាប់ពុធរំញ៉ង ២ស្លាបព្រាបាយ (ស្រុះ ៥នាទី)
- ស្លឹកខ្ទឹមហាន់ ២ស្លាបព្រាបាយ
- ប្រេងឆា ២ស្លាបព្រាបាយ
+ វិធីធ្វើ
១. ដំបូងដាក់ប្រេងឆាចូលក្នុងខ្ទះ ទុកឲ្យក្តៅបន្តិចដាក់ខ្ទឹមបារាំងចូលឆាប្រហែលជា ១នាទី។
២. ដាក់អំបិល, ស្ករ, ប៊ីចេង និងគ្រឿងការីរួចឆាចូលគ្នា បន្ទាប់មកដាក់ហែមចូលឆាបន្តិចទៀតសិនចាំដាក់ ការ៉ុត និងគ្រាប់ពុធរំញ៉ងឆា ២-៣ត្រឡប់។
៣. យកបាយដាក់ចូលឆាចូលគ្នាឲ្យសព្វប្រហែល ៥នាទីដាក់ស្លឹកខ្ទឹមចូលឆាបន្តិចទៀតជាការស្រេច៕
រៀបចំអត្តបទដោយ : មាន វិចិត្ត
