ថ្ងៃនេះ មង្គលការ មានមុខម្ហូបពិសេសយកមកចែកជូនមិត្តទាំងអស់គ្នាទៀតហើយ គឺពោតលីងបង្គា ជាប្រភេទអាហារសម្រន់សម្រាប់ញុំាលេងមុន និងក្រោយពេលបាយ ហើយជាពិសេស វាមានរសជាតិឆ្ងាញ់ជាប់ចិត្តតែម្ដង។ នៅចាំអីទៀត អនុវត្តជាមួយ មង្គលការ ទាំងអស់គ្នាដូចខាងក្រោម។
+ គ្រឿងផ្សំ៖
- ពោតស ៥ផ្លែ (ប្រឡេះយកសាច់)- បង្គាក្រៀម ៥០ក្រាម (ត្រាំទឹកមួយសន្ទុះស្រង់បុកឲ្យម៉ដ្ឋ)
- ស្លឹកខ្ទឹម ៥ដើម ហាន់ខ្លីល្មម
- ស្ករស ៣ស្លាបព្រាបាយ
- អំបិល កន្លះស្លាបព្រាកាហ្វេ
- ប្រេងឆា ៥០០ក្រាម
+ វិធីធ្វើ៖១. ជាដំបូងយកប្រេងឆាដាក់ចូលក្នុងខ្ទះទុកឲ្យក្តៅ យកពោតចាក់ចូលបំពងឲ្យឆ្អិន ស្រង់ទុកមួយឡែកសិន។
២. ចាក់ប្រេងឆាចេញពីខ្ទះ បន្ទាប់មកយកពោតដែលបំពងរួចមកដាក់លីងមួយសន្ទុះ។
៣. ដាក់បង្គា, អំបិល, ស្ករស និងលួចដាក់ប៊ីចេងបន្តិច រួចហើយលីងពីរបីត្រឡប់ ភ្លក់មើលល្មមហើយដាក់ស្លឹកខ្ទឹមច្របល់ចូលជាការស្រេច៕
រៀបចំអត្តបទដោយ៖ មាន វិចិត្ត
