ឆាឡុកឡាក់សាច់គោ
សម្រាប់ថ្ងៃអាទិត្យនេះតើបងប្អូនស្ត្រីមេផ្ទះមានមុខម្ហូបសម្រាប់អាហារពេលថ្ងៃត្រង់ហើយឬនៅ? ថ្ងៃនេះខ្ញុំ
បាទមានវិចិត្តនិងបង្ហាញមុខម្ហូបមួយមុខដែលបងប្អូនស្ត្រីមេផ្ទះក៏អាចជ្រើសរើសមកធ្វើសម្រាប់ទទួល
បានផងដែលនោះគឺ ឆាឡុកឡាក់សាច់គោ។
+គ្រឿងផ្សំ
- សាច់គោ យកសាច់ផុយ ( ហាន់ជាដុំរឺបន្ទះស្ដើងៗ តាមការចំណូលចិត្ត )
- ទឹកត្រី ស្ករស ម្សៅស៊ុប ទឹកប្រេងខ្ចង ម្រេច
- ម្សៅឆា យកមកលាយជាមួយទឹកបន្តិច កូរអោយរលាយចូលគ្នាអស់
- ខ្ទឹមស ចិញ្ច្រាំ
- បន្លែ : ត្រសក់ ប៉េងបោះ ខ្ទឹមបារាំង ហាន់ស្ដើងៗ និង សាលាឡាត់
វិធីធ្វើ
- យកបន្លែមករៀបដាក់ចានអោយស្អាត រួចទុកមួយអន្លើរ
- យកសាច់មកលាយជាមួយ ទឹកត្រី ស្ករស ម្សៅស៊ុប ទឹកប្រេងខ្ចង និង ម្រេច ច្របល់អោយសព្វចូលគ្នា
- ដាក់ប្រេងឆាចូលក្នុងខ្ទះទុកអោយក្ដៅ រួចដាក់់ខ្ទឹមសចូលបំពងអោយឈ្ងុយ បន្ទាប់មកដាក់សាច់ដែលច្របល់ជាមួយគ្រឿងហើយចូល កូរអោយសព្វ ( បន្ថែមទឹកបន្តិចបើស្ងួត ) ទុកអោយឆ្អិនបន្តិច រួចភ្លក់មើលអោយល្មមតាមការចូលចិត្តបន្ទាប់មកដាក់ម្សៅឆាចូល កូរអោយសព្វ ឡើងខាប់
- បន្ទាប់មកដួសដាក់ពីលើចានបន្លែដែលយើងបានត្រៀមទុកនោះហើយ រួចជាការស្រេច ។
រៀបចំអត្តបទដោយ : មាន វិចិត្ត
