សួស្តីប្រិយមិត្តទាំងអស់គ្នា នៅថ្ងៃនេះ ខ្ញុំបាទមានវិចិត្ត មានមុខម្ហូបពិសេសមួយមុខទៀតហើយ ដើម្បីយកមកបង្ហាញជូន គឺ"ស៊ុបប្រហិតស្ពៃបូកគោ” តោះកុំនៅចាំយូរអីទៀតអនុវត្តជាមួយមង្គលការទាំងអស់គ្នាដូចខាងក្រោមៈ
+ គ្រឿងផ្សំ៖
- ប្រហិតសាច់គោ ៤០០ក្រាម
- ស្ពៃបូកគោ ២០០ក្រាម ចិតជាបន្ទះ
- ការ៉ុត ១មើម ចិតដុំៗ
- សាច់ជ្រូក ៣០០ក្រាម ហាន់ដុំៗ
- ខ្ទឹមសចិញ្ច្រាំ កន្លះស្លាបព្រាបាយ
- អំបិល ១ស្លាបព្រាកាហ្វេ
- ស្ករស ១ស្លាបព្រាបាយ
- ទឹកស៊ីអ៊ីវ ១ស្លាបព្រាបាយ
- ម្សៅស៊ុបមាន់ ១-២ស្លាបព្រាបាយ
- ដុំស៊ុបខ្នរ ១ដុំ
- ស្លឹកខ្ទឹមហាន់ ២ស្លាបព្រាបាយ
- ប្រេងឆា ២ស្លាបព្រាបាយ
+ វិធីធ្វើ៖
១. ដំបូងដាក់ប្រេងឆាចូលក្នុងឆ្នាំង ទុកឲ្យក្តៅដាក់ខ្ទឹមសចូលឆាឲ្យឈ្ងុយ បន្ទាប់មកដាក់សាច់ជ្រូកចូលឆាឲ្យសាច់រាងឆ្អិនបន្តិច។
២. បន្ទាប់មកទៀតដាក់អំបិល,ម្សៅស៊ុបមាន់, ទឹកស៊ីអ៊ីវ និងស្ករសឆាចូលគ្នាឲ្យសព្វទុកវា ២-៣នាទី។
៣. បន្ទាប់ពី ២-៣ នាទីក្រោយមកចាក់ទឹកចូលរួចហើយទុកឲ្យពុះដាក់ ដុំស៊ុបខ្នរ ប្រហិតសាច់គោ និងការ៉ុតចូលទុកឲ្យពុះ។
៤. ដាក់ស្ពៃបូកគោចូល ទុកឲ្យពុះម្តងទៀតមើលទៅបន្លែឆ្អិនហើយ ជាការស្រេច ពេលញាំដាក់ស្លឹកខ្ទឹមពីលើចូលទៅអាចញាំបានហើយ៕
រៀបចំអត្តបទដោយ ៖ មាន វិចិត្ត
